மிஷ்கினுக்கு கண்ணீர் அஞ்சலி போஸ்டர் !

 

 

 

லோகேஷ் கனகராஜ் இயக்கத்தில் விஜய், த்ரிஷா, ஆக்ஷன் கிங் அர்ஜுன், சஞ்சய் தத், மிஷ்கின், கவுதம் மேனன், ப்ரியா ஆனந்த் உள்ளிட்டோர் நடித்திருக்கும் லியோ படம் அக்டோபர் 19ம் தேதி ரிலீஸாகவிருக்கிறது. இந்நிலையில் இசை வெளியீட்டு விழா தேதியை எதிர்பார்த்து ரசிகர்கள் காத்துக் கொண்டிருக்கிறார்கள்.

அதற்கு அவர் கூறியதாவது,

லியோ படம் ரொம்ப நல்லா வந்திருக்கிறது என்று கேள்விப்பட்டேன். தம்பியும் பார்த்திருக்கான். விஜய் தம்பியும் பார்த்திருக்கான். ரொம்ப பிடிச்சிருக்காம். இந்த படம் மிகப் பெரிய வெற்றி அடையும். 30ம் தேதி பார்க்கலாம் என்றார்.

மிஷ்கின் சொல்வதை பார்த்தால் செப்டம்பர் 30ம் தேதி தான் லியோ இசை வெளியீட்டு விழா நடக்கிறது போன்று என ரசிகர்கள் பேசத் துவங்கிவிட்டார்கள்.

இதற்கிடையே விஜய்யை அவன், இவன் என மிஷ்கின் பேசியது தளபதி ரசிகர்களுக்கு பிடிக்கவில்லை. இதையடுத்து மிஷ்கினை கண்டித்து கண்ணீர் அஞ்சலி போஸ்டர் ஒட்டியிருக்கிறார்கள் விஜய் ரசிகர்கள்.

மரண அறிவிப்பு. மிஷ்கின் அவர்கள் அகால மரணம் அடைந்தார் என்பதை ஆழ்ந்த வருத்தத்துடன் தெரிவித்துக் கொள்கிறோம். தளபதி வெறியர்கள் என போஸ்டர் அடித்து ஒட்டியிருக்கிறார்கள்.

இந்த கண்ணீர் அஞ்சலி போஸ்டரால் பரபரப்பு ஏற்பட்டிருக்கிறது. கண்ணீர் அஞ்சலி போஸ்டரை பார்த்த பிற ரசிகர்கள் கூறியிருப்பதாவது,

தம்பி என்கிற உரிமையில் அப்படி பேசிவிட்டார் மிஷ்கின். அதற்கு போய் கண்ணீர் அஞ்சலி போஸ்டர் ஒட்டுவது எல்லாம் ஓவர் என்கிறார்கள்.


இதற்கிடையே கண்ணீர் அஞ்சலி போஸ்டருக்காக விஜய் ரசிகர்கள் சிலரே கண்டனம் தெரிவித்துள்ளனர்.

மிஷ்கின் அவர்களுக்கு இப்படி போஸ்டர் ஒட்டியிருப்பது நாகரிகம் இல்லை. அதை தளபதியே விரும்ப மாட்டார். இது போன்ற செயல்களில் ஈடுபட வேண்டாம். இதனால் தளபதியின் பெயர் தான் கெடும் என தெரிவித்துள்ளனர்.

லியோ படத்தின் இசை வெளியீட்டு விழாவில் விஜய் ஒரு குட்டிக் கதை சொல்வார் என்று எதிர்பார்க்கப்படுகிறது. அந்த குட்டிக் கதைக்காக தான் ரசிகர்கள் காத்துக் கொண்டிருக்கிறார்கள்.

லியோவை அடுத்து தளபதி 68 படத்தில் நடிக்கிறார் விஜய். வெங்கட் பிரபு இயக்கும் அந்த படத்திற்கு யுவன் ஷங்கர் ராஜா இசையமைக்கிறார். விஜய்யின் கெரியரில் முக்கியமான படங்களில் ஒன்றாக தளபதி 68 இருக்கும் என்று நம்பப்படுகிறது.

மேலும் மங்காத்தா பி.ஜி.எம். போன்று விஜய்க்கு ஒரு மாஸ் பி.ஜி.எம். போடுவார் யுவன் ஷங்கர் ராஜா என ரசிகர்கள் நம்புகிறார்கள். தளபதி 68 படத்தின் லுக் டிசைனைக்காக அமெரிக்கா சென்றிருந்தார் விஜய். அந்த நேரத்தில் தன் தந்தை எஸ்.ஏ. சந்திரசேகருக்கு அறுவை சிகிச்சை நடந்ததை கேள்விப்பட்டதும் உடனே சென்னை திரும்பினார்.
சென்னைக்கு வந்ததும் முதலில் அப்பாவை சந்தித்து நலம் விசாரித்தார். அப்பொழுது எடுக்கப்பட்ட புகைப்படம் சமூக வலைதளத்தில் வெளியாகி வைரலானது.