பிரபல தொலைக்காட்சியில் ஒளிபரப்பாகும் ஹிட் நிகழ்ச்சிகளில் ஒன்றாக பிக்பாஸ் பார்க்கப்படுகின்றது.
இந்த நிகழ்ச்சி தன்னுடைய 7 சீசன்களை வெற்றிகரமாக முடித்து விட்டு தற்போது 8 ஆவது சீசனில் நுழைந்துள்ளது. பிக்பாஸ் சீசன் 8 ற்கு தொகுப்பாளராக நடிகர் விஜய் சேதுபதி கமிட்டாகியுள்ளது.
இது தொடர்பான அப்டேட் கடந்த சில தினங்களுக்கு முன்னர் அதிகாரப்பூர்வமாக பிரபல தொலைக்காட்சி வெளியிட்டிருந்தது. கடந்த சீசன்கள் போல் அல்லாமல் மக்கள் செல்வனால் தொகுத்து வழங்கப்படும் இந்த சீசன் சற்று வித்தியாசமாக இருக்கும் என ரசிகர்கள் ஆவலுடன் காத்திருக்கிறார்கள்.
அத்துடன் கடந்த சீசன்களில் பங்குபற்றி எலிமினேட்டான பிரபலங்கள் மீண்டும் வரப்போவதாக ஒரு செய்தியும் சமூக வலைத்தளங்களில் பரவலாக உள்ளது. இந்த நிலையில், பிக்பாஸ் 8 ல் நுழையும் போட்டியாளர்களின் விவரங்கள் வெளியாகிக் கொண்டிருக்கின்றது.
அந்த வகையில், பிக்பாஸ் சீசன் 8 ல் கலந்து கொள்ளவிருக்கும் 15 போட்டியாளர்களின் பெயர், விவரங்கள் கடந்த தினங்களில் வெளியாகின. ஆனால் அந்த பிரபலங்கள் யார் யார் உண்மையில் கலந்து கொள்ளப் போகிறார்கள் என்ற சந்தேகம் பலருக்கும் இருந்து வருகின்றது.
பிக்பாஸ் அப்டேட்டிற்காக காத்திருக்கும் ரசிகர்களுக்கு பிக்பாஸ் சீசன் 8 ஆரம்பிக்கும் திகதி வெளியாகியுள்ளது. அதன்படி, அக்டோபர் முதல் வாரம் அதாவது 6ம் தேதி ஞாயிற்றுக்கிழமை பிக்பாஸ் தமிழ் சீசன் 8 தொடங்க இருப்பதாக கூறப்படுகிறது. அதுமட்டுமில்லாமல் Disney Place Hot Star-ல் இந்த நிகழ்ச்சியை 24 மணி நேரமும் பார்த்து ரசிக்கலாம் என்ற தகவல் வெளியாகி உள்ளது.
தற்போது வெளியாகி இருக்கும் இந்த செய்தி பிக்பாஸ் பிரியர்கள் மகிழ்ச்சியில் ஆழ்த்தியுள்ளது என்பதும் குறிப்பிடத்தக்கது.
