யாழ்ப்பாணப் பல்கலைக்கழக மாணவர் ஒன்றியத்திற்கு புதிய பொதுச் செயலாளராக கலைப்பீடத்தைச் சேர்ந்த சி.சிவகஜன் தேர்வாகியுள்ளார்.
இதுவரை காலமும் பொதுச் செயலாளராகப் பொறுப்பு வகித்த சோ.சிந்துஜனின் பதவிக்காலம் நிறைவடைந்துள்ள நிலையில் சிவகஜன் தேர்வாகியுள்ளார்.
இதேவேளை , சோ. யாழ்.பல்கலைக்கழக மாணவர் ஒன்றியத்தின் பொதுச் செயலாளராக இதுவரை காலமும் இருந்த சிந்துஜன், பல்கலைகழக மாணவர் சங்கத்தையும் மாணவர்களையும் உறுதியான தமிழ்த் தேசிய நிலைப்பாட்டுடன் கட்டமைப்பிலும் பண்புகளிலும் மாற்றங்களை நோக்கி வழிநடத்தியமை குறிப்பிடத்தக்கது.
மாணவர்களை அரசியல்படுத்தல் , அணிதிரட்டுதல் மற்றும் பல்கலைக்கழகங்களில் மாற்று நடவடிக்கை வடிவங்களை நடைமுறைப்படுத்துதல் ஆகியவற்றில் அதிக கவனம் செலுத்துவது கடந்த காலங்களில் அவதானிக்கப்பட்டது.
அத்துடன் யாழ்.பல்கலைக்கழக மாணவர் ஒன்றியத்தில் பல்கலைக்கழகத்தின் 12 பீடங்களிலும் மாணவர் ஒன்றியங்கள் மற்றும் மாணவர்களை ஒன்றிணைக்கும் குழுக்கள் உள்ளமை குறிப்பிடத்தக்கது.
