இலங்கையில் வேகமாக பரவி வரும் வைரஸ் தொற்றினால் அநுராதபுரம் மத்திய நுவரகம் மாகாண பிரதேச செயலக பிரிவிற்குட்பட்ட உளுக்குளம் பகுதியில் பன்றிகள் அதிகளவில் இறப்பதாக கால்நடை பண்ணையாளர்கள் தெரிவித்துள்ளனர்.
இந்த அடையாளம் தெரியாத வைரஸ் தொற்றானது ஏற்பட்ட இரண்டு நாட்களில் பன்றிகளை கொன்றுவிடும் எனவும் தெரிவிக்கப்படுகிறது.
இந்நிலையில் இதுவரை 800 பன்றிகள் உள்ள பண்ணைகளில் சுமார் 200 பன்றிகளும், 300 பன்றிகள் உள்ள பண்ணைகளில் 50 முதல் 60 பன்றிகளும் இறந்துள்ள்ளதாகவும் சுமார் ஆயிரம் பன்றிகள் கன்றுகளுடன் உயிரிழந்துள்ளதாக விவசாயிகள் வேதனை வெளியிட்டுள்ளனர்.
இறந்த கன்றுகளின் எண்ணிக்கை இதுவரை கணக்கிடப்படவில்லை என விவசாயிகள் தெரிவித்தனர்.
இந்தப் பகுதியில் சுமார் இருபது பன்றிப் பண்ணைகள் உள்ளதாகவும், அந்தப் பண்ணைகள் அனைத்திலும் இவ்வாறு பன்றிகள் இறந்து வருவதாகத் தெரிவிக்கப்படுகிறது.
இது தொடர்பாக அப்பகுதி மக்கள் கால்நடை மருத்துவர் மற்றும் அதிகாரிகளுக்கு தகவல் தெரிவிக்க நடவடிக்கை எடுத்துள்ளனர்.
எவ்வாறாயினும் அதற்கான தீர்வுகளை வழங்க கால்நடை வைத்தியர்கள் இதுவரை நடவடிக்கை எடுக்கவில்லை என தெரிவிக்கப்படுகிறது.
பன்றிகள் அதிக அளவில் உயிரிழப்பதால், சில பண்ணைகளில் சேதம் ஒரு கோடி ரூபாயை தாண்டியுள்ளதாக விவசாயிகள் மேலும் தெரிவித்துள்ளனர்.
