அரசாங்கம் விரைவில் வருமானம் மற்றும் பெறுமதி சேர் வரி (VAT) நிவாரணங்களை வழங்க உள்ளதாக தேசிய மக்கள் சக்தியின் பொருளாதார பேரவையின் முக்கிய உறுப்பினரான கலாநிதி ஹர்ஷன சூரியப்பெரும தெரிவித்துள்ளார்.
இந்த வரிச்சலுகையானது உடனடியானது வழங்கப்படும் என்பதையும் அவர் உறுதிப்படுத்தினார்.
பொதுத் தேர்தலைத் தொடர்ந்து புதிய வரவு செலவுத் திட்டம் அறிமுகப்படுத்தப்படுவதன் மூலம் பொதுமக்களின் சுமையை குறைக்க தேவையான மாற்றங்கள் நடைமுறைப்படுத்தப்படும் எனவும் அவர் குறிப்பிட்டுள்ளார்.
இது குறித்து தொடர்ந்தும் கருத்து வெளியிட்ட அவர்,
“தற்போதைய கட்டமைப்பிற்குள் எங்கெல்லாம் நிவாரணம் வழங்க முடியுமோ அங்கெல்லாம் உடனடியாக நடவடிக்கை எடுத்துள்ளோம். உதாரணமாக, விசா பிரச்சினை சட்ட மாற்றங்கள் இல்லாமல் தீர்க்கப்பட்டது,
மேலும் அதிகரித்து வரும் வாழ்க்கைச் செலவுகளுக்கு மத்தியில் மக்களுக்கு ஓரளவு நிவாரணம் வழங்குவதற்காக சமீபத்திய எரிபொருள் விலை குறைக்கப்பட்டுள்ளதாக” அவர் சுட்டிக்காட்டியுள்ளார்.
எவ்வாறாயினும், அதிக உற்பத்திச் செலவு காரணமாக வர்த்தக நிறுவனங்களும் பாதிக்கப்படுவதாக கலாநிதி ஹர்ஷன சூரியப்பெரும குறிப்பிட்டுள்ளார்.
இலங்கையானது பிராந்தியத்தின் அதிக எரிசக்தி செலவினங்களில் ஒன்றாக இருப்பதால், எமது வர்த்தகங்கள் சர்வதேச ரீதியில் போட்டியிடுவது கடினமாகியுள்ளது.
அதிக உற்பத்தி செலவு, ஏற்ற இறக்கமான வட்டி விகிதங்கள் காரணமாக நிதியுதவி உட்பட, வாய்ப்புகளை இழந்துள்ளதாகவும் அவர் சுட்டிக்காட்டியுள்ளார்.
எனவே, எரிசக்தி செலவைக் குறைப்பது முதன்மையானது என்று அவர் கூறினார்.
"எரிசக்தி விலைகள் ஏறக்குறைய 300 சதவீதம் அதிகரித்து, ஏற்றுமதியில் போட்டியிடும் நமது திறனை கடுமையாக பாதிக்கிறது என்றும் தெரிவித்துள்ளார்.
எனவே முதலீட்டாளர்கள் செழிக்கக்கூடிய அளவிற்கு இந்த செலவுகளைக் குறைப்பதை நோக்கமாகக் கொண்டுள்ளோம்.
அதே சமயம், நுகர்வோர் ஒரு கண்ணியமான வாழ்க்கைத் தரத்தைப் பேணுவதற்கு, நாம் வாங்கும் விலையை உறுதி செய்ய வேண்டும்.
குடும்பங்கள் அத்தியாவசியப் பொருட்களை வாங்க உதவுதல், குழந்தைகளுக்கு பாடசாலைப் பொருட்களை அணுகுவதை உறுதி செய்தல் மற்றும் நோயாளிகளுக்கு மருத்துவச் சேவையை அணுக வழிவகை செய்தல் ஆகியவை இதில் அடங்கும்,” என்று அவர் மேலும் தெரிவித்துள்ளார்.
