முட்டையிடும் கோழிகளின் எண்ணிக்கையை அதிகரிக்க அரசாங்கம் முதலீடு செய்து முட்டை விலையில் மக்களுக்கு மானியம் வழங்க வேண்டும் என அரசாங்கத்திடம் கோரிக்கை விடுக்கப்பட்டுள்ளதாக வழக்கறிஞர் நிறுவனத்தின் தலைமை நிர்வாக அதிகாரி தனநாத் பெர்னாண்டோ தெரிவித்துள்ளார்.
குறித்த விடயம் தொடர்பில் அவர் மேலும் தெரிவிக்கையில், முட்டைக்கான வர்த்தமானி அறிவித்தல் வெளியிடப்பட்டுள்ளதால் முட்டை விலை தொடர்ந்து அதிகரித்து வருவதாக கூறிய அவர் இந்த விலையை கட்டுப்படுத்தும் வர்த்தமானி அறிவித்தல் வெளியிடப்பட்டதன் காரணமாக மாலைதீவுக்கு ஏற்றுமதி செய்யப்பட்டு வந்த இலங்கையில் முட்டை மற்றும் கோழி இறைச்சி சந்தை வீழ்ச்சியடைந்துள்ளதாகவும் தெரிவித்துள்ளார்.
அத்துடன் உற்பத்திச் செலவு அதிகமாகியுள்ள நிலையில், கோழிகளுக்கு தீவனம் கொடுப்பதில் சிரமம் இருப்பதால், உற்பத்தியாளர்கள் கோழிகளை இறைச்சியாக விற்கும் நிலை ஏற்பட்டுள்ளதாகவும் அவர் தெரிவித்துள்ளார்.
