மியான்மாரில் (Myanmar) உள்ள இணையக் குற்ற முகாம்களுக்கு தொடர்ந்தும் இலங்கையர்கள் அனுப்பப்படும் சம்பவங்கள் அதிகரித்து வருவதாக தேசிய மனித கடத்தல் தடுப்பு பணிக்குழு (NAHTTF) எச்சரிக்கை விடுத்துள்ளது.
குறிப்பாக ஐக்கிய அரபு இராச்சியத்தில் வசிக்கும் தகவல் தொழில்நுட்பத் துறையில் உள்ளவர்கள், அதிக சம்பளம் தரும் தொழில்கள் தொடர்பில் பொய்யாக வாக்களிக்கும் மனித கடத்தல்காரர்களால் குறிவைக்க்கப்படுகின்றனர்.
இதன் பின்னர் அவர்கள் சட்டவிரோதமாக கொண்டு செல்லப்பட்டு மியான்மாரில் சைபர் கிரைம் என்ற இணையக் குற்ற நடவடிக்கைகளில் கட்டாயப்படுத்தப்படுகிறார்கள்.
இந்த சைபர் கிரைம் முகாம்களில் உள்ளவர்கள், மன மற்றும் கொடூரமான உடல் சித்திரவதைகளை எதிர்கொள்வதாகவும் தெரிவிக்கப்படுகிறது.
எனவே, பொதுமக்கள் எச்சரிக்கையாக இருக்குமாறும், சுற்றுலா விசாவில் வெளிநாட்டு தொழில்களை தவிர்க்குமாறும், வெளிநாட்டு வேலை வாய்ப்புகளுக்கு அங்கீகரிக்கப்பட்ட நிறுவனங்களை மட்டுமே பயன்படுத்துமாறும் தேசிய மனித கடத்தல் தடுப்பு பணிக்குழு கேட்டுக்கொண்டுள்ளதுடன் இது தொடர்பான முறைப்பாடுகளை தெரிவிக்க 0112102570 மற்றும் 076 844 7700 என்ற தொலைபேசி இலக்கங்கலினூடாகவும் nahttfsrilanka@gmail.com என்ற மின்னஞ்சல் மூலமாகவும் அறிவிக்க முடியும் எனவும் அறிவிக்கப்பட்டுள்ளது.
இதேவேளை வழங்கப்பட்ட அனைத்து தகவல்களும் கடுமையான இரகசியத்தன்மையுடன் கையாளப்படும் என்று தேசிய மனித கடத்தல் தடுப்பு பணிக்குழு உறுதியளித்துள்ளது.
